Read in English | සිංහලෙන් කියවන්න
හැඳින්වීම
පාසල් පුස්තකාලයාධිපතිත්වය පිළිබඳ ඩිප්ලෝමාව නිලිස් ආයතනය මගින් ඉදිරිපත් කරන විශේෂ පාඨමාලාවකි. එය ශ්‍රී ලංකා සුදුසුකම් රාමුවෙහි (SLQF) 03 වැනි මට්ටමේ තැබේ (ඒ අනුව ජාතික වෘත්තීය සුදුසුකම් රාමුව – NVQ 05 වැනි මට්ටම).
පාසල් දරුවකු යාවජීව ඉගෙනුම්කරුවකු බවට ද වැඩ පරිසරයට හුරු වූවකු බවට ද පත් කිරීමේ කාර්යයේ දී ඔහු/ඇය තුළ තොරතුරු සාක්ෂරතාව වර්ධනය කිරීම අත්‍යවශ්‍ය කාරණයකි. ගෝලීය තොරතුරු යුගයේ දී පුද්ගලයකු ඉටු කරන කාර්ය භාරය තීරණය වන්නේ ඒ අනුව යි. එබැවින් ඉගෙනුම් කාර්යාවලියේ දී සම්පත් පාදක ඉගෙනුමටත්, ශිෂ්‍ය කේන්ද්‍රීය අධ්‍යාපනයටත් අවකාශ සලසමින් තොරතුරු සම්පත් සංවිධානය කිරීමේ වගකීම පාසල් පුස්තකාලයට හිමි වේ.
පාසල් පුස්තකාලයාධිපති පාඨමාලාව හඳුන්වා දෙන ලද්දේ මෙම කාර්යභාරය ඉටු කිරීම සඳහා පාසල් පුස්තකාල හා ඉගෙනුම් සම්පත් මධ්‍යස්ථාන කාර්ය මණ්ඩලය පුහුණු කිරීමේ අරමුණිනි. එය සාර්ථකව නිම කරන ලද ඩිප්ලෝමාධාරීන්ට පුස්තකාල හා තොරතුරු කළමනාකරණ උසස් ඩිප්ලෝමා පාඨමාලාව සඳහා ලියාපදිංචි වීමට හැකියාව තිබේ (SLQF 4/NVQ 6 මට්ටම).
අවම ඇතුළත්වීමේ සුදුසුකම්: අ.පො.ස. උ/පෙ. හෝ පාසල් පුස්තකාලයාධිපතිත්වය පිළිබඳ උසස් සහතිකපත් පාඨමාලාව සමත්ව තිබීම.
පාඨමාලා කාලය: වසරකි (සමාසික 02)
පාඨමාලා ගාස්තුව: රු. 27,000 (කොටස් දෙකකින් ගෙවීමට හැකි ය)
පාඨමාලා මාධ්‍යය:
- සිංහල – කොළඹ විශ්වවිද්‍යාලය
- දෙමළ – මහනුවර මධ්‍යස්ථානය
DSL පාඨමාලාවේ ව්‍යුහය
DSL 1. පාසල් පුස්තකාල හා ඉගෙනුම් සම්පත් මධ්‍යස්ථාන
DSL 2. තොරතුරු සාක්ෂරතාව
DSL 3. WWW (වෙබ්) සාක්ෂරතාව
DSL 4. පාසල් පුස්තකාල එකතු සංවර්ධනය
DSL 5. ව්‍යාපෘති
DSL 6. ළමා සහ යොවුන් සාහිත්‍යය
DSL 7. කියවීම ඉගැන්වීම
දේශන සහ ඇගයීම්:
සෙනසුරාදා දිනවල අදාළ මධ්‍යස්ථානවල පැවැත්වේ. ඇතැම් දේශන මාර්ගගතව (online) පැවැත්වෙනු ඇත. සෑම සමාසිකයක් ම අවසානයේ පැවැත්වෙන විභාගට පෙනී සිටීමට පංති සඳහා සහභාගීත්වය 80% තිබීම අනිවාර්ය වේ. මීට අමතරව සෙමෙස්තරය අවසාන වීමට පෙර අදාළ පැවරුම් හා ව්‍යාපෘති සම්පූර්ණ කර දිය යුතු ය.
පාඨමාලා සම්බන්ධීකාරක: පී.ජී.පේමදාස මහතා
අයදුම්පත් යොමු කරන ආකාරය
සම්පූර්ණ කරනලද අයැදුම්පත්‍රය කොළඹ විශ්වවිද්‍යාලයයේ නිලිස් ආයතනය වෙත 2020 සැප්තැම්බර් මස 18 වැනිදා 30 වැනිදා හෝ ඊට පෙර ලියාපදිංචි තැපෑල මගින් යොමු කරන්න. අයැදුම්පත්‍ර පිරිසැකසුම් ගාස්තුව වන රුපියල් 250 ක මුදල අයදුම්පතේ සඳහන් පරිදි අදාළ බැංකුවට ගෙවා, එම රිසිට්පත අයැදුම්පතට අමුණා එවන්න. වැඩි විස්තර අයදුම්පතේ සඳහන් වෙයි.